На денешен ден (1997-ма година) шампионот Чикаго Булс гостуваше во Атланта на дуел со својот ривал од централната дивизија.
“Биковите” (во тоа време) беа во налет кон својот петти шампионски пехар. Атланта важеше за еден од најнезгодните тимови на Истокот, пред се поради нивниот новодојден дефанзивен колос, Дикембе Мутомбо кој летото пред сезоната пристигна во Џорџија од Денвер. Оваа вечер повторно на дело беше гранитната одбрана и балансираниот напад на Чикаго кој доминираше во најголемиот дел од 90-тите.
Во крајно неизвесен меч, Мајкл Џордан повторно беше лидер со 30 поени носејќи победа во гости со 89-88. Тони Кукоч стрелаше со неверојатни 70% реализација и беше втор стрелец на тимот од “ветровитиот град” со 21 постигнат поен.
Истата сезона (во Мај 1997 година) “биковите” и “јастребите” ги одмерија силите во полуфиналната серија на Источната конференција, која “Булси” ја добија а потоа во големото финале ја освоија титулата.
Уживајте во најубавите моменти од дуелот кој се случи на денешен ден.
NBA FAN
Димитар Младеновски
