Последниот патник во полуфиналето на конференциите е тимот на Мемфис Гризлис.
На гостувањето во “Таргет” центарот Минесота беше совладана со 114:106 и со конечни 4:2 младите “гризли мечки” преминуваат во следното коло. И покрај тоа што домаќините имаа 10 поени предност во последната четвртина, Мемфис успеа да се врати во игра и да ја превземе контролата до самиот финиш. Дилон Брукс и Дезмонд Бејн постигнаа по 23 поени додека Џа Морент и Брендон Кларк реализираа по 17. Балансираниот напад на тимот од Тенеси (во кој шест кошаркари постигнаа по двоцифрен број на поени) се покажа како клучен за големата победа.
Во полуфиналето на западната конференција Мемфис ќе се судри со тимот на Голден Стејт Вориорс кој важи за фаворит.
NBA FAN
Димитар Младеновски
