На денешен ден, се случи една од најдобрите фотографии во историјата на кошарката.
Мајами Хит гостуваше во Милвоки, на дуел со “Бакси”.
Ова беше првата сезона на Леброн Џејмс во дресот на Мајами Хит. Очекувањата беа на највисоко можно ниво. “Жешките” во својот тим го има Двејн Вејд, Крис Бош како и “Кралот” кој им се приклучи во текот на летниот период.
На 06.12.2010 година, се случи една од најубавите акции како и најпрепознатливите фотографии во историјата на кошарката.
Во првата четвртина, при контра напад, Двејн Вејд беспрекорно ја додаде топката до Леброн Џејмс кој силно ја заби во кошот.
Мајами победи на гости со 88:78 но, она што остана запаметено е токму оваа акција и сликата која официјално се објави по натпреварот.
Оваа година, “жешките” се пласираа во големото финале каде загубија од Далас Маверикс. Во наредните две години, тимот од Флорида успеа два пати по ред да ја освои титулата (2012 и 2013 година).
Уживајте во една од најубавите акции на “жешките момци” од Мајами.
NBA FAN
Димитар Младеновски
