По трејдот кој го испрати Руди Гоберт во Минесота, Јута продолжува со промени.
Најновите информации кој доаѓаат преку “барата” говорат за можна размена помеѓу Филаделфија 76ерс и Јута Џез. Веќе подолг период “сиксерси” се заинтересирани за еден од најдобрите резерви во NBA, Џордан Кларксон. Со цел да го ангажираат потентниот стрелец, “76-ките” се подготвени да се ослободат од Тобајас Херис, и Шејк Милтон. Единствено што претставува проблем е желбата на тимот од Солт Лејк Сити во пакетот да биде вклучен и младиот Матис Тајбл на кого Филаделфија сериозно смета во иднина.
Освен Кларксон, во евентуалната размена средината би ја промениле и ветеранот Руди Геј како и хрватскиот репрезентативец Бојан Богданович. Во “Фили” пред само неколку дена пристигна ветеранот Пи-Џеј Такер кој важи за еден од најцврстите дефанзивни играчи во лигата. Засега ова се актуелни преговори помеѓу двата тима. Останува да се види дали ќе дојде до конечна реализација на соработката и како би изгледала до детал.
Едно е сигурно. Филаделфија и Јута во секој случај ќе имаат видно изменет изглед на стартот на новото првенство.
Димитар Младеновски
