Штотуку беа објавени стартните 5 за Истокот и Западот на All-Star натпреварот, кој годинава ќе се одржи во Кливленд.
Леброн Џејмс петта година по ред ќе биде лидер на Западот. Во својата 37 година, “кралот” не покажува никакви знаци. Тоа го наградија навивачите и му ја да дадоа довербата со што го изгласаа на првото место.
Никола Јокич е стартен центар а Џа Морент е прв плеј на Западот. Јокич игра уште една импресивна сезона а овогодинешното првенство на Морент многумина го споредуваат со експлозивното издание на Дерик Роус од сезоната 2011, кога беше прогласен за најкорисен играч. За експлозивниот плеј ова е прв All-Star настап.
Стеф Кари овојпат ќе има друштво во првата петорка во тимскиот соиграч кој е вистинско позитивно изненадување годинава. За Ендрју Вигинс ова е прв настап во осум годишната кариера. Канаѓанецот игра најдобро досега, доживеа препород во дресот на “воините” и по долго време го оправдува приматот на прв избор на драфтот 2014 година.
Иако е повреден, Кевин Дурент е избран за капитен на Истокот.
Шампионот Милвоки, очекувано ќе го претставува Јанис Антетокумпо а честа на Филаделфија ќе ја брани центарот Џоел Ембид. Сјајниот шутер на Атлата Хокс, Треј Јанг е избран во стартната петорка на задоволство на многубројната публика од “градот на Кока Кола-та”.
Демар Дерозан по фантастичните претстави годинава е избран за стартер. Во својата прва сезона во дресот на “биковите” Дерозан се промовира во еден од главните конкуренти за наградата MVP на првенството. За него ова е петти настап на собирот на големите ѕвезди.
Веднаш по промовирањето на стартните петорки на обете конференции, беа претставени и дресовите во кој ќе настапата All Star играчите.
NBA FAN
Димитар Младеновски
