Ужасни вести кој пристигнаа од САД попладнево ја запрепасти спортската јавност.
Поранешниот NBA кошаркар, Кејлеб Суаниген почина на 25 годишна возраст. Тешката борба која големиот центар ја водеше од најрана возраст го зема својот данок. Суаниген како дете бил бездомник пред да биде посвоен и згрижен. Уште од најрана возраст имал проблеми со вишокот килограми но, со напорна работа успеал да се етаблира во еден од најперспективните млади центри во Индијана.
По успешните две години поминати на универзитетот Пердју, Суаниген беше избран како 26-ти пик на драфтот 2017 година од страна на Портланд Треил Блејзерс. По две години поминати во тимот од Орегон, робусниот центар се пресели во Сакраменто каде откако не доби шанса за игра повторно се врати во тимот кој го доведе во NBA. По завршувањето на сезоната 2019-2020 многумина очекуваа дека за Суаниген ќе бидат заинтересирани повеќе тимови но, стигнаа ужасни вести.
Суаниген беше неколку пати апсен поради поседување на нелегални супстанци како и возење во алкохолизирана состојба. Лани во Мај испливаа фотографии на кој е речиси непрепознатлив. Се претпоставуваше дека Суаниген тежи близу 200 килограми и дека неговото евентуално враќање на кошаркарските терени е речиси невозможно. Една година по загрижувачките фотографии неговиот млад живот згасна.
Првенствените извештаи од Ален Каунти (Индијана) говорат дека Суаниген починал од т.н. “природна смрт” што е шокантно кога се има во предвид за колку млад човек стануваше збор. Поранешниот младински репрезентативец на Америка имаше само 25 години.
NBA FAN
Димитар Младеновски
