Уште една возбудлива и интересна NBA вечер.
Мемфис го пречека Бруклин во “Фед Екс” форум.
Младите “гризли мечки” имаа поентерска експлозија во третата четвртина и постигнаа 45 поени што беше главна причина за крајниот резултат (134:124). Џа Морент повторно имаше фантастичен натпревар со 38 поени и 7 асистенции но, вистинско изненадување беше играта на Дезмон Бејн кој постигна идентични 38 поени (негов рекордот на кариерата).
На спротивната страна, Кајри Ирвинг и Кевин Дурент постигнаа по 37 поени но, немаа речиси никаква помош од остатокот на тимот.
Чикаго го пречека Бостон а “биковите” испратија силна порака кон својот ривал од Источната Конференција.
И покрај одличниот старт на “селтикси” и водството од 16 поени, домаќинот успеа да се врати во игра и да ја превземе контролата. Одличното поентирање во втората и третата четвртина беше клучна за успехот на “биковите” со што му го нанесоа првиот пораз на Бостон сезонава, со конечни 120:102.
Лидер на “ветровитиот град” беше Демар Дерозан со 25 поени, следен од младиот Ејо Досунму кој постигна 22.
Портланд извојвуа висока победа над Денвер со што стигна до 4-от триумф сезонава. “Блејзерси” славеа со 135-110 и станаа единствениот тим со максимален скор од четири победи на стартот на првенството.
Водечки повторно беше Демиен Лилард (кој по првите три натпревари на кој постигнуваше по идентичен 41 поен) постигна 31 поен следен од Енферни Сајмонс со 29 поени. Домаќините целосно го неутрализираа Никола Јокич кој натпреварот го заврши со прескромни 9 поени.
Филаделфија по трите последователни порази конечно стигна до првиот триумф сезонава.
Индијана гостуваше кај “сиксерси” кој ја истурија целата своја фрустрација од претходните неуспеси (120:106). Џејмс Харден беше лидер со 29 поени и 11 асистенции следен од Џоел Ембид со 26 поени.
NBA FAN
Димитар Младеновски
