Бекот на Бостон Селтикс, Маркус Смарт е избран за најдобар дефанзивец во тековното првенство.
Смарт доби 257 поени во гласањето на повеќе од 100 новинари и стана вториот играч во богатата историја на франшизата од Масачусец кој успеал да ја добие оваа престижна награда. Пред него само Кевин Гарнет успеа да стане најдобар одбранбен играч во дресот на “селтикси”, во 2008-ма година. Ова е прв пат најдобар дефанзивец да биде бек по сезоната 1995-1996 кога беше “крунисан” Гери Пејтон. Токму Пејтон му ја врачи наградата на Смарт.
На второто место се најде Мајлс Бриџис од Феникс, следен од центарот на Јута, Руди Гоберт кој три пати ја освојуваше наградата во последните четири години. Првата дефанзивна петорка ја комплетираат Бем Адебајо од Мајами и Џерен Џексон јуниор од Мемфис.
NBA FAN
Димитар Младеновски
