Кошаркарите на Денвер изедначија на 1-1 во плејоф серијата, откако го совладаа Портланд со 128-109. Домашниот тим до триумфот дојде најмногу благодарение на Никола Јокич, кој мечот го заврши со 38 поени, 7 скокови и 5 асистенции.
По натпреварот српскиот репрезентативец даде изјава за “TNT”, а во студиото беше Шекил О’Нил. Легендарниот Шек имаше подготвено реченица на српски јазик, му честиташе за одличната партија, а овој пак беше пријатно изненаден.
“Одлично одигра брате”, на српски јазик се обрати Шек. Јокич на прв момент не разбра најдобро, но откако истата реченица беше повторена му се заблагодари на легендарниот центар.
“Ти благодарам”, му возврати “џокерот”.
NBA FAN
Димитар Младеновски
