Кошаркарите на Мајами Хит се експресно елиминрани од Милвоки Бакс. Ланскиот финалист немаше сили во дуелот со далеку по силнинот противник.
Од двобојот, кој пред стартот на доигрувањето се очекуваше да биде возбудлив и крајно неизвесен, тој примат го доби само првиот меч меѓу двата тима. “Жешките” беа немоќни и со синоќешниот пораз од 120-103 се “збришани” (со чисти 4:0 во победи).
Иако домаќините имаа 12 поени предност, момците од Флорида не успеаа да го издржат налетот на “елените”. Доминираше (актуелниот MVP) Јанис Антетокумпо кој реализира трипл-дабл учинок од 20 поени, 12 скокови и (дури) 15 асистенции. Беше следен од Крис Миделтон со 20 поени и исклучително потентното поентерско издание на центарот Брук Лопез кој постигна 25 поени во победата на својот тим.
На спротивната страна, Џими Батлер имаше трипл-дабл учинок (12 поени, 10 скокови и 10 асистенции), Бем Адебајо постигна 20 поени кој не беа доволно за триумф и разочарувачки крај на сезоната. Милвоки го чека подобриот од дуелот помеѓу Бруклин и Бостон, каде тимот од Њу Јорк е огромен фаворит.
NBA FAN
Димитар Младеновски
