Од синоќешната NBA програма го издвојуваме исклучително неизвесниот меч кој се одигра во “Токин стик ресорт” арената во Аризона. Вистинска претстава приредија домаќините Феникс Санс и гостите од Минесота. На крајот (на изенадување на многумина) “волците” го освоија гостинскиот терен.
Конечни 119-123 за “тимбервулвс” на меч во кој првиот пик на минатогодишниот драфт, Ентони Едвардс на дело го покаже сиот свој офанзивен арсенал. Младото крило постигна 42 поени со што влезе во друштво на најмладите кој успеале да го остварат ова достигнување. Во чекор го следеше лидерот на тимот од Минеаполис, центарот Карл Ентони-Таунс кој постигна импресивен дабл-дабл учинок сочинет од 41 поен и 10 скокови.
На спротивната страна, најрасположен беше Девин Букер со 35 постигнати поени. И покрај победата, Минесота е закована на дното со скор 10-31. Феникс се наоѓа третото место во западната конференција.
NBA FAN
Димитар Младеновски
