Мишел Џонсон до детал ги изнесе обвинувањата против нејзиниот сопруг, (играчот на Шарлот Хорнетс) Мајлс Бриџис кој беше обвинет за семејно насилство по неговото апсење претходно оваа недела во Лос Анџелес.
Џонсон (на својот Instagram профил) објави неколку фотографии од модринки на нејзиното тело заедно со документите за отпуштање од болница кои покажаа дека нејзините повреди вклучуваат потрес на мозокот, фрактура на носната коска, контузија на ребрата, истегнување на мускулите на вратот и модринки.
Еве ја целосната изјава која што Џонсон ја објави покрај сликите:
“Мразам што дојде до ова, но не можам повеќе да молчам. Дозволив некој да ми го уништи домот, да ме злоставува на секој можен начин и да ги трауматизира нашите деца доживотно. Немам што да му докажам на светот, но нема да дозволам некој кој може да направи нешто толку ужасно да не се каe.
Нема да дозволам луѓето околу него да продолжат да ме замолчуваат и да продолжат да лажат за да ја заштитат оваа личност. Тоа е неетичко, неморално, навистина е БОЛНО.
Ме боли срцето затоа што отсекогаш сум ималa надеж, и толку многу љубов. Kолку и да е страшно за мене да го направам тоа, време е да се залагам за себе и моите деца. Нема повеќе да молчам за да ги заштитам другите затоа што се ценам себеси и моите деца повеќе од нечија “имиџ“. Имам скршеница на носот, зглоб, скинато тапанче, скинати мускули на вратот од задушување додека не се онесвстам и тежок потрес на мозокот. Не ми треба сочувство, едноставно не сакам ова да му се случи на некој друг.
Само сакам оваа личност да добие помош, моите деца заслужуваат подобро. Тоа е се што сакам. Боли, се боли, боли оваа ситуација, што е најважно, се плашам и ме болам за моите деца кои беа сведоци на се. Ве молиме почитувајте ја приватноста на моите семејства и престанете со одвратните гласини и наводи“. -завршува Џонсон.
“TMZ Sports” објави дека Бриџис бил уапсен во Вторникот вечерта откако побегнал од областа пред да пристигне полицијата, но се предал во Средата наутро. Полициската управа во Лос Анџелес потврди за “ESPN” дека Бриџис ќе се брани од слобода откако платил обврзница од 130.000 долари. Неговото прв судско рочиште е закажано за 20 Јули годинава.
24-годишниот крилен центар роден во Мичиген е ограничен слободен играч, откако Хорнетс пред почетокот на преодниот рок му понудија нов договор. Мајлс Бриџис, ги помина своите први четири NBA сезони во дресот на Шарлот Хорнетс откако беше избран како 12-ти пик на драфтот во 2018 година. До сега за “хорнетси” има одиграно 291 натпревар со просек од 13,4 поени. Во 2021-2022 година, просечно постигнуваше 20 поени по натпревар со што претставуваше водечки стрелец на тимот од Северна Каролина.
NBA FAN
Димитар Младеновски
