Уште еден тим влегува во победничка серија пред паузата за All-Star викендот.
Голден Стејт Вориорс ја пречека Минесота Тимбервулвс во меч кој беше тесен се до 5 минути до крајот. Тогаш домаќините на дело го покажаа своето најсилно оружје, шутот за три поени. Стеф Кари и Клеј Томсон одиграа како во своите шампионски денови и донесоа заслужен триумф од 124-115.
Стеф Кари беше прв стрелец со 29 поени, следен од Клеј Томсон кој постигна 23. Новоизбраниот All-Star, Ендрју Вигинс (кој настапи против својот поранешен тим) со овации беше поздравен од навивачите на стартот од натпреварот. Канаѓанецот им се оддолжи со 19 поени а исто толку постигна едно од најпријатните изненадувања сезонава, бекот Џордан Пул.
“Воините” се на втората позиција во Западната конференција со скор од 36-13.
NBA FAN
Димитар Младеновски
