Синоќа се судрија актуелниот шампион и домаќинот, кој од година во година, е со се повисоки амбиции. Милвоки Бакс гостуваше на Филаделфија 76ерс, во меч на кој актуелниот MVP, ја покажа сета своја моќ. Јанис Антетокумпо реализираше дабл-дабл сочинет од 31 поен и 16 скокови. Одлична партија пружи и новодојдениот бек шутер, Грејсон Ален, кој постигна 25 поени. И покрај победата, “бакси” имаат неочекувано тежок старт на новото првенство, со негативен скор од 5-6.
Во Солт Лејк сити, Јута ја пречека Атланта. Домаќините го одбранија домашниот терен, најмногу благодарејќи на својата млада ѕвезда, Донован Мичел, кој беше лидер со 27 поени. Повторно на дело беше полниот придонес на “споредните” играчи. Бојан Богданович постигна 18 поени а најдобрата резерва во лигата, Џордан Кларксон, имаше 16 кошеви. Новиот триумф ги доведе “џезерите” на второто место на табелата со скор 8-2. Пред нив е моментално најдобриот тим во NBA, Голден Стејт Вориорс, со скор 9-1.
NBA FAN
Димитар Младеновски
