NBA новости од рано утрово.
Хрватскиот центар, Ивица Зубац го продолжи договорот со Лос Анџелес Клиперс. 25-годишниот центар ќе добие 33 милиони долари за три годишна верност.
Едно од најдобрите дефанзивни крила во Западната конференција, Торијан Принс останува во Минесота. Принс за две годишна верност ќе добие 16 милиони долари.
Њу Јорк Никс продолжува да “расчистува” простор за евентуалниот ангажман на Џејлен Брансон од Далас Маверикс. Со цел да го ослободат “селари капот”, тимот од “големото јаболко” ги трејдуваше центарот Нерленс Ноел и бекот Алек Буркс во Детроит Пистонс. Со овој потег “никси” ослободија дополнителни 19 милиони долари.
Управата на Чикаго Булс преку соопштение пренесе дека има намера да го задржи својот All-Star бек, Зек Лавин. Летачкиот Лавин набрзо се очекува да потпише нов петгодишен договор во вредност од вртоглави 200 милиони долари.
NBA FAN
Димитар Младеновски
