Американскиот пејач објави фотографија со која повторно ги остави фановите, особено жените ширум светот, без здив…
56-годишниот Лени Кравиц, освен по својата музика, е познат и по одличниот изглед и покрај годините. Тој често објавува фотографии на кои е разголен, а и овојпат успеа да ги воодушеви своите следбеници на Инстаграм.
Кравиц на новата фотографија сече свеж кокос, а во преден план се неговите стомачни мускули кои изгледаат нереално. Палмите во позадина ја направиле целата сцена уште попривлечна, а пријателите и обожавателите на славниот пејач биле импресионирани од неговиот изглед.
„Зошто нема онесвестен емотикон?“, искоментирала актерката Карин Парсонс, а Џејден Смит признал дека цел му е да изгледа токму како Лени.
„Како сè уште изгледаш вака?“, „Не можам да го преболам фактот што овој тип има 56 години“, „Фала ти на новата глетка“, се само дел од коментарите под објавата.
Во интервју минатата година, Кравиц го препиша неверојатниот изглед на веганската исхрана и свежите овошја кои сам ги одгледува.
„Многу сум внимателен околу тоа што внесувам во телото и како се грижам за него. Тоа е комбинација од сите овие работи, вежбање, одржување на мускулите и зглобовите во форма, за да можам да го правам она што го правам“, рекол тој и додал дека островскиот живот исто така игра голема улога:
„Попрво би бил надвор во природа отколку затворен во теретана“.
