Како што се наближува преодниот рок, така растат шпекулациите околу потенцијалните трансфери кои не очекуваат во следниот период.
Голем број клубови ќе бидат доста активни кога станува збот за менување на играчкиот кадар, а се очекува ова лето европските великани да бидат поактивни од било кога. Тоа особено се однесува на Реал Мадрид пред кого претстои тотална реконструкција.
„Кралскиот клуб“ сигурно ќе продаде голем број од своите фудбалери кои веќе се отпишани, а интерес за поголемиот дел од нив е и тоа како голем. Останатите клубови внимателно ја следат ситуацијата во Реал Мадрид, а особено ПСЖ кој сака да се засили токму со играчите на Реал.
ПСЖ е веќе во контакти со Реал Мадрид и покажаа интерес за тројца играчи на овој клуб. „Дејли Мејл“ пренесува дека мета на Парижаните се Герет Бејл, Тони Крос и Иско.
Наводно, францускиот клуб е подготвен да плати околу 180 милиони фунти за ова трио, но се уште не е познато дали баш сите тие се на трансфер листата. Сигурно е дека Бејл ќе го напушти Реал, додека за Крос и Иско се уште нема информации.
Но, ПСЖ му дал до знаење на Реал дека може да им ја олесни продажбата со купување на дури тројца фудбалери, а заработувачката од нив е примамлива за Флорентино Перез на кого ќе му требаат пари доколку сака нови засилувања.
Бејл повеќе не е во плановите на Зинедин Зидан за следната сезона, додека Крос и Иско имаат пролбеми со формата сезонава. Доколку Еден Азар потпише за „Кралевите“ тогаш тоа сигурно ќе значи дека Иско си заминува, додека Крос на крајот од сезоната ќе ја дознае својата судбина.
Исто така, и ПСЖ сака да направи место во екипата за новите засилувања, а наводно „Паркот на принцовите“ ова лето би требало да го напуштат Јулијан Дракслер и Единсон Кавани, како и поголем број од играчите кои имаат статус на резерви.
