Една од најголемите ѕвезди на Холивуд денеска го слави својот 57-ми роденден, па поради тоа побаравме некои интересни факти за него кои што можеби не сте ги знаеле.
Американскиот актер и продуцент Бред Пит често добивал престижни награди во текот на својата кариера, а судејќи спореде IMDb тој во својата кариера има остварено дури 81 улога.
Ова се некои факти од неговиот живот кои што можеби ви биле помалку познати:
1. Не се вика Бред
Славниот актер е роден на 18-ти декември 1963 година како Вилијам Бредли Пит, син на училишна советничка Џејн Ете и менаџер на компанија Вилијам Алвин Пит.
2. Имал скромен почеток
Пред да ја започне филмската кариера, Пит работел како возач на лимузина за стриптизети, бил маскота во ресторан, доставувал роба за фризери.
3. Улогата која го прослави му ја „зел пред нос“ на Клуни
Џорџ Клуни поминал неколку кругови од аудицијата за улогата на Џеј Ди во популарното остварување „Телма и Луис“, но улогата заминала во рацете на дотогаш непознатиот актер Бред Пит.
4. Одбивал големи улоги
Бред Пит ја одбил улогата во филмот „American Psyho“ од 2000-та година од страв неговата публика дека нема да реагира добро на сцената во која што тој со моторна пила сече жена.
5. Ја прифатил улогата во „Господин и госпоѓа Смит“, кога дознал дека ќе соработува со Анџелина
Малку е познато дека во шпионскиот филм од 2005-та година покрај Бред требало да се појави Никол Кидман. Актерот дури се повлекол од проектот затоа што хемијата помеѓу него и Кидман била многу слаба. Меѓутоа, кога дознал дека главната женска улога е доделена на Џоли, веднаш се вратил во филмската екипа.
6. Има свои принципи
Пит во 2001-та година ја тужел компанијата „Damiani International“ кои што го „копирале“ вереничкиот прстен за неговата тогашна сопруга Џенифер Анистон. Како што навел актерот, тој сам дизајнирал свој прстен кој што требало да биде само изработен и да остане уникат, а не да продолжат да се прават и други копии од истиот.
7. Сам го замолил Гај Ричи да го ангажира
Бред бил толку многу воодушевен од режијата на славниот Британец што го замолил да му ја даде главната улога во својот нареден филм.
8. Роден е да биде Ахил
Додека во 2003-та година го снимале филмот „Троја“ во кој што тој ја толкуваше улогата на легендарниот Ахил, Бред Пит навистина ја повредил Ахиловата пета.
9. Не сака да биде во центар на внимание
Бред е голем фан на „Jackass“ каде што се изведуваат урнебесни и несекојдневни шеги, па ја замолил екипата да биде дел од некој скеч. Одлучил да се појави маскиран како мајмун затоа што не сакал луѓето да го препознаат.
10. Многу е посветен на своите улоги
За потребите на снимањето на филмот „Fight Club“ Бред отишол на стоматолог навистина да го искриви еден од неговите предни заби иако тоа не морал да го направи.
