На социјалните мрежи и во медиумите вчера со огромна брзина се проширила снимка која прикажува американски хеликоптер од кој виси човек.

Од снимката која се проширила на социјалните мрежи првобитно не било јасно дали човекот е врзан со јаже или обесен, односно дали е жив или мртов.

Тед Круз: Талибанците бесат човек од американски хеликоптер. Незамисливо

Многу противници на американскиот претседател Џо Бајден, вклучувајќи го американскиот републикански сенатор Тед Круз, на социјалните мрежи тврделе дека талибанците користеле американски хеликоптер за да обесат човек.

“Оваа застрашувачка слика ја покажува авганистанската катастрофа на Џо Бајден: Талибанците бесат човек од американски хеликоптер “Black Hawk”. Трагично. Незамисливо”, напишал Круз.

A viral video claiming to show a man being brutally hanged from a helicopter in Kandahar was likely an attempt to fix a flag over a public building, not a hanging. A separate video of the incident shows the man is clearly alive and waving in the air. pic.twitter.com/x6T5iDhpc9

— Shayan Sardarizadeh (@Shayan86) August 31, 2021

“Ова е апсолутно с*ање, да ги гледате талибанците како летаат со американски хеликоптери “Black Hawk”, бесејќи луѓе за врат! Ова на американскиот претседател никогаш нема да му биде простено”, коментирал британскиот ветеран од војните во Ирак и Авганистан и добитник на одличјето “Iron Cross”, Тревор Култ, објавувајќи и фотографии на кои навистина изгледа како непознато лице да виси од хеликоптер.

Но, било утврдено дека тоа не е вистина.

Снимката е реална, но не прикажува обесено лице

Имено, било утврдено дека снимката е реална, но не прикажува лице обесено од хеликоптер, туку лице кое виси од хеликоптерот врзано за појас. Конкретно, на подоцна објавената фотографија се гледа лице како виси од хеликоптер и им мавта на луѓето насобрани на земја, што јасно докажува дека лицето е живо.

Снимката прво ја објавила страницата “Taliban Times”, која се претставува како официјална страница на Исламскиот Емират Авганистан, како што талибанците ја нарекле државата откако ја освоиле.

Afghan pilot flying this is someone I have known over the years. He was trained in the US and UAE, he confirmed to me that he flew the Blackhawk helicopter. Taliban fighter seen here was trying to install Taliban flag from air but it didn’t work in the end. https://t.co/wnF8ep1zEl

— BILAL SARWARY (@bsarwary) August 31, 2021

Билал Сарвари, слободен авганистански новинар, на Твитер објавил дека снимката прикажува хеликоптер со кој управува пилот обучен од САД и ОАЕ, додека од хеликоптерот виси талибански војник со талибанско знаме.

Американската страница за проверка на факти “Snopes” извлекла неколку скрин-шотови кои докажуваат дека лицето не е обесено, туку им мавта на луѓето насобрани на земјата.