Некои луѓе едноставно се родени за брак, а некои сфаќаат дека не се баш луѓе кои што би се снашле во брачните води.
Овие на кои што им успева бракот и кои што убаво се чувствуваат во брачната заедница, најчесто се родени во следните хороскопски знаци:
Како и Вагите, со Биковите владее Венера – планетата на љубовта и заедницата. Биковите често се патријархални и имаат многу традиционални сфаќања за бракот, љубовта и посветеноста. Кога ќе стапат во заедница Биковите очекуваат тоа да трае цел живот. Нивниот живот се дели на пред и по бракот и секако дека се многу верни.
На Вагите љубовта им е најважна во животот – тие ќе вложат сè за да ја сочуваат, а опстанокот на бракот и потребите на брачниот партнер ќе ги стават пред сите свои останати потреби. Тие ќе се жртвуваат секогаш, без драма и истакнување на заслуга затоа што тоа е дел од љубовта – таков е компромисот и тие одлично го разбираат тоа.
Раковите се многу емотивни и семејни, па доколку живеат сами тие својата тага ќе ја носат како најголем товар во животот. Партнерските односи и потомството нив им е светлина и стабилност во животот, па ќе направат сè за својот партнер и своето семејство. Доколку Ракот одлучи да го прекине односот, тоа значи дека е крајно незадоволен и несреќен.
Нежните Риби секогаш бараат човек на кој што може да му веруваат, па поради тоа партнерот им е потребен за нивниот свет да биде среќен. Тие кога еднаш ќе основаат заедница, не ги интересира никој друг и целосно се посветени на својот партнер. Рибите се многу толерантни и истовремено имаат моќно чувство на припадност, така што од сите знаци се најспособни за основање семејство.
