Во текот на 50-тите години од минатиот век, државите масовно вложуваа огромни средства во развој на своите армии. Водечката сила меѓу нив, САД, се обиде да развие подморница – носач на авиони.
“AN-1” остана само неверојатен концепт кој што никогаш не заполови. Овој проект на Американците предвидуваше развој на нуклеарна подморница која што истовремено би била и носач на авиони. Од подморницата е замислено да бидат лансирани осум борбени авиони за помалку од осум минути, а поради амбициозноста на проектот, може да се каже дека е навистина штета што не било развиено вакво нешто.
Американците размислувале и за развој на амфибиски воени авиони, меѓутоа сето тоа пропаднало со неуспешниот концепт наречен “Convair XF2Y Sea Dart”.
Набрзо се појавила нова идеја – носач на авиони кој што би можел да плови под површината на морето. Целиот концепт бил наречен “AN-1”, а всушност станувало збор за модифицирана верзија на нуклеарната подморница “USS Halibat”.
Таа била поголема од повеќето бродови и можела да понесе дури пет “Regulus” нуклеарни ракети кои што практично биле со големина на еден помал авион. Тие биле сместени во хангар во трупот на подморницата, а биле лансирани практично надвор од трупот. Концептот на подморницата – носач на авиони предвидувал модифицирање кое што би резултирало со должина од 152 метри на подморницата, а благодарение на моторот од 15 илјади коњски сили и нуклеарниот реактор, подморницата би можела да стигне до било кој крај на светот.
Замислено било подморницата да шест торпедни цевки напред и две назад, но сепак, вистинската сила лежела во ескадрилата, односно во лансирната рампа од каде што било предвидено да се лансираат авионите.
„Ракетите кои што тогаш се користеле биле од прилика со иста големина како и борбените авиони, па логично е подморниците да би можеле да се користат за нивно лансирање. Сепак, најголем предизвик било слетувањето, а од „Боинг“ предложиле авиони кои што би слетувале вертикално. Таков авион бил тестиран успешно, но иако бил способен вертикално да слета, сепак бил премногу тежок за контролирање“, изјави Хил Сатон за американските медиуми.
Сепак, самата замисла на овој концепт е навистина интересна, затоа што една подморница која што би можела да исплива на површината било каде во светот и да лансира авиони, звучи како сценарио од научно-фантастичните филмови.
Денес Американците наводно повторно размислуваат во оваа насока, но наместо авиони, во едно такво сценарио од палубите на подморниците би полетувале беспилотни летала. САД моментално гради подморници кои што се поголеми од концептот “AN-1”, а можеби е само прашање на време кога ќе ги искомбинираат двете оружја и направат смртоносна борбена машина.
