Тоа бил еден сосема обичен ден во животите на двајцата професионални ловци на торнада, но нешто го направило посебен.
Во вторникот по локално време, Крастел и Скот, заедно со двајца пријатели, тргнале да го фатат торнадото во Канзас. Бурата била прогласена за вонредна ситуација во неколку окрузи во таа држава. Ја започнале својата потера од Салина во Канзас и ја бркале олујата 128 километри додека не дошле до округот Типтон. Тоа било магично место каде Крастел го поставил прашањето.
“Сите коцки се поклопија и се се случи многу брзо”, рекол Крастел за NBC.
Крастел, американски метеоролог и аналитичар на ризици од Мериленд, го запознал, сега веќе својот свршеник, преку работата – заедничката љубов кон бурите. Крастел е опседнат со природни катастрофи од својата четврта година, кога го видел своето прво торнадо.
The 2 loves of my life pic.twitter.com/Cv4eviechZ
— Joey Krastel (@NimbusStorms) May 29, 2019
Скот ги следел олујните авантури на Крастел на Инстаграм, праќајќи му еден ден порака и прашувајќи го дали навистина ги брка бурите.
Крастел за NBC рекол дека запросувањето за време на ловење на торнадо секогаш го имал во мислите, поради првата порака која Скот му ја пратил.
“Затоа секогаш ми беше во мислите да го запросам за време на ловење на бура. Чувствував дека тоа е совршен начин да го запечатиме договорот”, рекол тој.
Фотографијата брзо се проширила на интернет, а на Твитер добила повеќе од 7.000 лајкови и 600 ретвитови.
“Новопечениот” пар ги продолжува своите авантура во потрагата по нови олуји, спуштајќи се низ Оклахома до Тексас.
