Ако сте бринета и сакате промена што совршено ќе се вклопи во есенските и зимските денови, ова е вистинскиот избор за вас
Во земјата на заносната манекенка Жизел Бундхен, фризурата која жените најмногу ја бараат е „осветлена бринета“.
Фризерот Јоао Боско од Сао Паоло открил дека половина од неговите клиентки ја бараат оваа боја која полека станува најбараната фризура.
Изгледот „осветлена бринета“ се постигнува така што на врвовите на косата се нанесува боја три нијанси посветла од природната боја, а потоа со раце се подигнува кон средината на косата.
Потоа, на коренот се ставаат тонови слични на природната боја, а резултатот е совршена комбинација што е многу лесна за одржување.
Со оглед на тоа што на коренот има тонови кои одвај се разликуваат од природната боја, израстокот е невидлив.
Фризурата обично трае и по шест месеци, потврдил Боско и додал дека има клиентки кои доаѓаат само еднаш годишно.
