Џорџ Клуни долго време важеше за најпосакуваниот холивудски ерген, а изгледа дека емотивниот статус на актерот се сменил преку ноќ, кога ја запознал правничката Амал Аламудин.
Тие двајца сега имаат близнаци, Ела и Александра и признава дека со нив животот му станал комплетен, иако, напоменува дека не ни сонувал дека ќе му се случи такво нешто.
Имено, тој долго време верувал во спротивното и ‘не сакал да застане на лудиот камен’, а во неодамна емитуваната епизода од подкастот „WTF“ со Марк Марон, ја отворил душата токму на таа тема, опишувајќи ја Амал како најубавата и најпаметната жена која некогаш ја запознал.
„Слушајте, јас воопшто не сакав да се венчам. Не сакав деца. А потоа го запознав ова неверојатно суштество. Влезе во мојот живот и бев маѓепсан, од самиот почеток. И веднаш знаев, штом ја запознав, дека повеќе ништо нема да биде исто“, му рекол на водителот.
„Излегував со многу убави, паметни, талентирани жени, но само еднаш ти се случува некој да е како создаден за тебе. Мислам дека јас и Амал баш се најдовме и дека и таа го чувствува истото, кога сум јас во прашање“, додал тој.
До самата веридба, за бракот не се ни разговарало. Сепак, тие веќе планирале семејство, разговарале за тоа, особено по посетата на пријателите чие дете, според актерот, било „невозможно“.
„Ме шокираше тоа колку сум среќен. Чудно е тоа да го кажеш, да…“, заклучил Клуни, сега и горд татко на две деца.
