Португалскиот стратег Жозе Мурињо со сигурност е еден од најдобрите тренери во светот, а резултатите тоа за него најдобро говорат.
На Мурињо не му оди баш најдобро во последните неколку години и моментално е без работа по отказот во Манчестер Јунајтед. Меѓутоа и понатаму многумина веруваат дека токму тој е најдобриот тренер во светот, а за тоа најдобро говорат титулите кои ги има освоено во досегашната тренерска кариера.
Сигурно дека најголемиот подвиг Мурињо го направи на клупата на Порто каде што пред некои 15 години се прослави. „Специјалниот“ со овој тим прво во 2003 година го освои Купот на УЕФА, а година дена подоцна успеа да дојде и до титулата во Лигата на шампионите.
Мурињо ретко говори за минатото, но сега кога има слободно врме одлучи да се присети на тие денови. Она што многумина ги изненади е фактото што за него најтежок меч кој некога го имал е финалето на Купот на УЕФА од 2003 година кога Порто по продолженија го совлада Селтик (3-1), со голот на Дерлеи во продолжението.
„Финалето против Селтик не е најголема победа или најголема радост, но со сигурност најтежок меч кој сум го имал. Кога средбата беше завршена мислев дека бев мртов од тоа што беше толку напнато. Од тој меч играв уште три европски финалиња, освоив многу титули, но според тензијата, напнатоста и до кој лимит одеше средбата со Селтик навистина ниту една друга не може да се спореди“ изјави Мурињо.
