Португалскиот фудбалер Кристијано Роналдо ги изненади многумина откако по крајот на минатата сезона реши да го напушти Реал Мадри и кариерата да ја продолжи во Јувентус.
По девет успешни сезони во дресот на „кралевите“, Португалецот реши дека е време за нов предизвик во кариерата, а многумина беа изненадени со неговиот избор да се пресели во Торино.
На големо се зборуваше со месеци дека Роналдо може да заврши во Манчестер Јунајтед и ПСЖ, но Јуве никој не го споменуваше.
Меѓутоа шпанските медиуми пренесуваат шокантна работа за трансферот на Роналдо. Угледната „Марка“ пишува дека прв кој се јавил со официјална понуда за Роналдо бил тимот на Милан кој понудил 150 милиони евра. Сепак Кристијано едноставно не сакал да замине на „Сан Сиро“.
