Нема сомнеж, сагата поврзана со Лионел Меси ќе биде главна тема во светот на спортот додека истата нема своја финална разврска.
Така, денеска медиумите се преплавени со информации за тоа каде би можел да продолжи легендарниот аргентински фудбалер.
Човекот кој прв објави дека Нејмар ќе се пресели во ПСЖ, Марсело Бешлер, и сега имаше што да каже во врска со Меси.
Според информациите на Бешлер, најблиску во овој момент до потписот на Меси е англискиот Манчестер Сити.
Наводно преговорите меѓу Манчестер Сити и Меси веќе се во почетна фаза и Аргентинецот дал зелено светло дека се гледа во дресот на „граѓаните“ во иднина.
Од друга страна, пак, новинарот на „Скај Спортс“, Гилием Балаг пренесува дека според неговите информации до овој момент Лионел Меси не преговарал со ниту еден клуб и чека финална разврска на ситуацијата со Барселона која нема лесно да се откаже од неговите услуги.
