Коби Брајант, еден од најдобрите кошаркари на сите времиња, загина во пад на хеликоптер на 26 јануари во близина на Лос Анџелес, заедно со ќерката Џијана и уште 7 лица.
Обдукцијата потврдила дека тешките повреди биле причината за смртта на сите настрадани.
“Начинот на смртта е потврден како несреќа”, се наведува во извештајот, додека причината на несреќата односно падот на хеликоптерот сè уште се истражува.
Kobe Bryant helicopter crash post-mortem released…. https://t.co/iNPk0lGlsj
— Naija Sports Crib (@naijasportscrib) May 17, 2020
Меѓутоа, Американците останаа шокирани од деталите на обдукцијата која опфаќа 180 страници. Во извештајот пишува дека Брајант го користел медикаментот метилфенидат – Риталин кој се наоѓа на листата на забранети супстанци од Светската антидопинг агенција бидејќи ја зголемува експлозивноста и силата на натпреварувачите. Риталинот се користи за контролирање на хиперактивноста и нарколепсијата, односно нарушувањата на внимание.
“Риталинот обично се користи за подобрување на концентрацијата кај хиперактивните деца постари од 6 години. Под негово дејство се зголемува количината на невротрансмитери во мозокот – допаминот и норадреналинот кои го регулираат нивото на внимание”.
Експертите велат дека зависноста од овие таблети се развива многу лесно, особено доколку се земаат поголеми количини од пропишаните или не се внесува на адекватен начин, туку интравенозно или со шмркање. Кога се внесува на начин кој не е медицински препишан, предизвикува ефекти слични на кокаинот. Американската Управа за сузбивање на наркотици го сместува овој лек на листата на оние за кои постои висок ризик од злоупотреба.
