Руските медиуми ја објавија снимката од последните секунди од животот на лидерот на самопрогласената Доњецка Народна Република, Александар Захарченко.
На снимката може да се види како тој со своето обезбедување пристигнува во кафулето „Сепар“. Еден од припадниците на неговото обезбедување тргна да изврши проверка, по што лидерот на Доњецката Народна Република заедно со телохранителот влезе во кафулето. Неколку секунди подоцна, дојде до експлозија.
Инаку, кога и да го посетел кафулето, Захарченко секогаш седел на една иста маса на која што стоел знак „резервирано“.
Да потсетиме, Захарченко беше убиен на 31-ви август во експлозијата во кафуле во центарот на украинскиот град Доњецк, а уште три лица поминаа со потешки повреди. Од силната експлозија лидерот на руските бунтовници добил тешки повреди на главата, а постои сомнение дека бомбата била сокриена под една од светилките.
