Шефот на специјалните операции на американските “Фоки”, 39-годишниот Едвард Галагер, е обвинет дека извршил страшни злосторства во Ирак.
Важел за многу добар војник, дури и по строгите стандарди на американските “Seal” маринци.
Бил медицинар кој спасувал животи и врвен снајперист, а одликуван бил повеќе пати поради водството во текот на 19 години долгата воена кариера. По последната тура, во која се борел против милитантите на ИСИС во Ирак, именуван бил за топ лидер на “Seal” тимот и номиниран за Сребрена ѕвезда, трето највисоко воено одликување во САД.
What Edward Gallagher did is a war crime, you can't behead prisoners, post a pcture and expect you won't get court-martialed. Case closed. Thank you #Navy for not covering this up. #SmartNews https://t.co/yjb7pohJ4F
— That's Mr.TacticalSnowFlake❄ ?? (@DexterPorter) November 16, 2018
Меѓутоа, денес, една година подоцна, Галагер е во затвор, соочен со обвиненија дека во текот на последната тура – таа за која бил награден – убивал цивили, убил тинејџер со специјална острица, а потоа позирал со неговото тело пред американско знаме.
Морнарицата Галагер го обвинила за убиство со умисла, обид за убиство и повеќе од 12 други злосторства, вклучувајќи го и тоа за нарушување на угледот на американската војска. Ако го обвинат, остатокот од својот живот ќе го мине во затвор. Галагер тврди дека не е виновен по ниедна точка од обвинението.
лучајот го потресол прилично тајниот свет на американските “Фоки”, кои се познати по тивкиот професионализам во својата работа. Случајот жестоко ќе влијае и на други маринци кои не ги пријавиле злосторствата на Галагер, а еден полковник е веќе обвинет.
Неговото семејство не сака да верува во обвиненијата. “Тоа не е Еди. Тој спасува животи. Тој е тој што влегува во запалена зграда во моментот кога другите излегуваат од неа”, рекла неговата сопруга Андреа.
Последниот ден од дводневното сослушување во базата во Сан Диего, неговите колеги неговото однесување го опишале како бесчувствително, а него како злосторник кој сака крв. Велат дека постојано пукал во цивили – еднаш убил девојка која шетала покрај река, друг пат старец кој носел вода, а на своите војници им се заканувал дека ќе ги убие ако проговорат за неговите акции.
Тинејџерот кого го убил со ловечки нож, лекарите го довеле во базата да го спасат, но бил тешко ранет. Додека му пружале прва помош, Галагер наводно дошол и повеќе пати, без ниеден збор, го избодел со нож во врат и гради. Потоа, држејќи ја неговата крвава глава во воздух, се фотографирал покрај американското знаме.
Некои негови војници толку биле вознемирени од неговото однесување, па му го расипале снајперот, за да биде колку е можно понепрецизен, и често пукале куршуми за предупредување за да ги исплашат цивилите пред нивниот шеф да посака да ги убие.
“Минувавме повеќе време штитејќи цивили, отколку што се боревме против терористи”, изјавил на суд Џо Варпински, специјален инспектор на Морнаричките криминалистички истражни служби.
Адвокатот на обвинетиот маринец, Филип Стекхаус, рекол дека обвиненијата се неосновани, бидејќи се базирани само на основа на изјавите на сведоците кои, како што рекол, биле незадоволно што не можат да ги исполнат барањата на својот лидер.
