Одрон на плажата Навагио на Закинтос, има повредени (ВИДЕО)

1531

34-годишна туристка е повредена кога дошло до одрон на карпа на популарната плажа на островот Закинтос, соопштиле грчките власти. Во инцидентот нема исчезнати.

Припадниците на крајбрежната стража соопштиле дека една странска државјанка е повредена и дека е префрлена во локална болница.

Локалните медиуми пренеле изјави на очевидци дека големата карпа паднала во морето и создала голем бран кој ги потопил малите бродови.

Службениците од пристаништето соопштиле дека плажата е евакуирана, а дека на бродовите со туристи им е забрането да приоѓаат до плажата на неодредено.

Според зборовите на сопствениците на приватните бродови, кога се случил одронот, на тоа подрачје имало три бродови со патници.

“Слушнавме звук и помал дел од карпата падна во морето, а потоа падна и другиот дел и на крајот третиот голем дел кој предизвика бранови и превртуваше бродови”, рекол неименуван сведок за агенцијата “AMNA”.

 

 

ПОВРЗАНИ НАПИСИПОВЕЌЕ ОД АВТОРОТ