Официјално: Антонио Конте е новиот менаџер на Тотенхем

520

Италијанецот Антонио Конте и официјално од денеска е нов менаџер на лондонски Тотнем, откако англискиот премиерлигаш го промовираше за нов кормилар и бившиот стратег на Јувентус, Челси и Интер, како и екс-италијански селектор ќе го води тимот на „Вајт Харт Лејн“ до 2023 година.

Конте доаѓа во Лондон откако лани со Интер стана првак на Италија, но си замина од „Џузепе Меаца“ откако управата на клубот не му обезбеди пари за дополнителни засилувања, па досега немаше работа.

„Среќен сум што пак се враќам на тренерската работа и тоа во Премиерлигата, во еден амбициозен клуб. Тотнем има прекрасен стадион, уметничко ремек-дело, еден од најубавите во Англија и не можам да дочекам да почнам со работа. Летоска не успеа да се случи соработката зашто јас сѐ уште бев под договор со Интер, зашто емотивно бев испразнети чувствував дека не е вистинското време за да се вратам на работата. Сега се отвори шанса и ја прифатив истата“, вели Конте.

Според англиските медиуми, во преговорите за ангажман Конте побарал клубот да му вети дека ќе ги донесе српската напаѓачка ѕвезда од Фиорентина, Душан Влаховиќ и фудбалерот од средниот ред на Милан, Франк Кеси.

Како што објавија од Тотнем договорот и соработката може да биде продолжен после 2023 година, но најмногу ќе зависи и од резултатите.

ПОВРЗАНИ НАПИСИПОВЕЌЕ ОД АВТОРОТ