Германскиот гигант ги потврди шпекулациите и го официјализира Јулијан Нагелсман за нов предводник на Баерн Минхен.
33-годишниот стручњак ќе пристигне на „Алианц Арена“ на први јули, а ќе го наследи Ханси Флик кој побара неговиот договор да биде прекинат ова лето. Нагелсман важи за еден од најперспективните млади тренери, а Баерн со него планира соработка на долги стази, па веднаш му довери договор од пет сезони.
- Официјална потврда на потписот:
Нагелсман се промовира на фудбалскиот свет, работејќи во Хофенхајм и РБ Лајпциг. Неговата епизода на „Ред Бул Арена“ е поуспешна, со младиот и перспективен проект на „биковите“ врши одлична работа, а на 90 натпревари бележи просек од два бода по натпревар.
Баерн со ова продолжи да ги „негува“ домашните производи и му ја довери клупата на најперспективниот Германец, па Јулијан Нагелсман ќе мора да покаже дека не погрешиле.
