Македонскиот репрезентативец Филип Талески во идната сезона ќе ги брани боите на друг клуб. Во финишот од подготовките не беше во ростарот на новиот стратег Андрeсон, не отпатува на турнирот во Франција, не играше ниту на Куп натпреварите, а од клубот тогаш нè информираа дека причините биле лични.
Но, како се ближи стартот на новата сезона на Бундеслигата, така германските медиуми започнаа да шпекулираат околу неговата иднина, а попладнево стигна и потврдата од редовите на „лавовите“.
Талески и официјално не е повеќе член на Рајн Некар Левен, но сепак останува во Бундеслигата, затоа што во следната сезона ќе ги брани боите на Балинген.
23-годишниот репрезентативец од 2014 до 2017 година беше дел од тимот на Металург, а во последните три сезони го носеше дресот на поранешниот шампион во Бундеслигата.
