Безбедносните камери од камп во близина на Вајмут ја снимиле гласната бука.
Многу редок метеор, познат како “дневна огнена топка”, вчера го пробил звучниот ѕид над Велика Британија.
Луѓето во англиските покраини Дорсет, Сомерсет Девон и Џерзи пријавувале дека слушнале силна експлозија и виделе светлосен прамен на небото.
По анализата на фотографиите и видео записите, експертите потврдиле дека станува збор за метеор.
Тие ги повикале луѓето да внимаваат и да ги пријават сите фрагменти на вселенски карпи.
Ричард Касарак, од британската Мрежа за аматерски астрономи за набљудување на метеори, рекол дека само најсјајниот метеори од класата болид, може да произведе ретка “дневна огнена топка”.
Астрономот и научен новинар Вил Гејтер, кој меѓу првите ја поврзал звучната експлозија со метеор, рекол за “BBC” дека би било многу возбудливо да се пронајдат делови од метеорот.
