Најбогатиот човек во Македонија, Орце Камчев произлезе со цврст став за Референдумот и Договорот со Грција, за кој вели дека и тој самиот би го потпишал. Во интервју за Фактор, Камчев исто така нагласи дека повеќе не се пријатели со првиот човек на УБК, Сашо Мијалков.
Орце Камчев јасно нагласи дека сегашниот премиер, Зоран Заев е најхрабиот премиер кој Македонија го имала и дека лично тој е ЗА договорот со Грција, исто како што бил ЗА договорот со Бугарија. Неговиот став се потпира на аргументите дека Македонија треба да биде членка на НАТО и ЕУ поради позитивните промени кои ќе ѝ се случат на земјата.
Посетата на Могерини, Курц и Меркел се смета за многу важна и историска, па дури и поддршката на Русија која го поздравува овој договор, кој веќе 27 години ѝ создаде проблеми на Македонија од секаков аспект. Камчев нагласи дека се залага да помине овој референдум, бидејќи оваа држава ќе добие десеткратно повеќе придобивки од она што го имаме денес.
Во интервјуто за Фактор, каде можете да го прочитате целосното интервју, Камчев негира дека тој и Мијалков имале заеднички бизниси додека Мијалков бил на функција, како и тоа дека биле пријатели, но повеќе не се.
Во врска со изјавата на Камчев за поддршката на Референдумот се огласи и Мухамед Зекири, пратеникот од СДСМ кој вели:
“Орце Камчев и сличните на него е најдобро да молчат и да одговараат на сите злодела направени на Македонија и нејзините граѓани! Можете да кажувате што сакате, но од ОДГОВОРНОСТ нема да избегате!!”.
