Документарецот за војводата и војвотката открил зошто парот раскинал во 2007 година
Животните патишта на Вилијам и Кејт се разминале неколку месеци во 2007 година, наводно веднаш по ултиматумот за свршувачката што Кејт му го поставила на Вилијам. Поранешниот кралски уредник, Данкан Ларкомбе, не бил уверен во таа приказна и сметал дека раскинувањето се случило поради семејството на Кејт Мидлтон.
„Една од моите теории е дека тие раскинаа поради нејзиното потекло, нејзината семејна позадина“, открил Ларкомбе.
Ларкомбе своето верување го темели на познатиот факт што пријателите на Вилијам секогаш кога ќе ја виделе Кејт се шегувале на сметка на мајка ѝ, која работела како стјуардеса, на тој начин што ја извикувале фразата што ја користи кабинската послуга во авионите: „doors to manual“.
„Палатата тоа категорички го негираше, но се осудувам да кажам дека неколку луѓе блиски на Вилијам го имаат истото мислење“, изјавил Ларкомбе.
Мајката на Кејт Мидлтон, Карол, потекнува од работничка класа и е потомок на сиромашен рудар и градежник, а кариерата ја почнала како стјуардеса, додека таткото на Кејт, Мичел, бил диспечер на авиони за British Airways.
Но и покрај скромното потекло, Кејт не растела во сиромаштија. Карол ја започнала семејната компанија Party Pieces која се занимава со продажба на забавна програма за деца преку Интернет и заработила милиони.
Нивната семејна куќа во Кершир вреди повеќе од милион фунти, станот во Челси вреден 750 илјади фунти го платиле со кеш, а нивните три деца оделе во приватно училиште каде што годишната школарина изнесувала 27 илјади фунти.
Кејт и Вилијам се запознале на факултет, а раскинувањето се случило по пет години врска.
Принцот Вилијам наводно сакал да ја одбегне грешката што ја направиле неговите родители кога се венчале пребрзо, па затоа отворил ново животно поглавје и станал војник.
Иако вестите за нивното раскинување ги полнеле весниците, Кејт ја чувала нивната врска во тајност.
До средина на мај разговарале само на телефон, а потоа во јуни Кејт била видена на забава под маски во касарната на Вилијам. Во август отпатувале на Сејшелските острови, каде што Вилијам ветил дека ќе ја запроси. Се свршиле во октомври во 2010 година и се венчале во април следната година.
Во едно интервју по повод нивната свршувачка, и двајцата признале дека краткото раскинување било нивната најдобра одлука.
„Мислам дека тогаш не бев најсреќна поради таа одлука, но тоа ме направи посилна, бидејќи дознав некои работи за себе кои дотогаш не сум ги знаела“, рекла Кејт тогаш.
Таа додала дека љубовната врска може многу да ги окупира младите луѓе и дека во тој период не ни била свесна колку ѝ треба време само за себе.
„И двајцата бевме многу млади, се баравме себеси и имавме различни карактери“, се надоврзал Вилијам
