Откако минатата година престана да се емитува култната серија „The Big Bang Theory“ меѓу фановите на серијата остана една нерешена дилема поврзана со нејзините протагонисти. Кое е презимето на Пени, ликот што го глуми актерката Кејли Куоко.
Оваа мистерија се провлекуваше низ текот на сите 12 сезони од серијата, беа познати целосните имиња на сите ликови, освен на Пени, која го зема презимето на Леонард Хофштедер (Џони Галеки) кога се омажи за него.
Сепак, како што пишува „Дигитал спај“ повеќе од една година по крајот на емитувањето еден фан има теорија којашто ја решава мистеријата за презимето на Пени.
Во епизодата 32 од серијата, во рамки на втиората сезона, Пени ќе ја запознае мајката на Леонард, Беверли (Кристин Барански), на која, раскажувајќи и за своето детство ќе и каже дека татко и се вика Боб.
Сепак, две сезони од серијата подоцна, во 72 епизода, Леонард за првпат ќе се запознае со таткото на Пени (Кит Карадин), но во таа пригода не му се обраќа со Боб туку со Вајат.
Според фанот на серијата, токму тука се крие одговорот на мистеријата како се презива Пени. Според размислувањето, со оглед на тоа што при проформална средба личност со мала самодоверба, како Леонард, вообичаено се обраќаат некому со неговото презиме. Затоа е и заклучокот дека Леонард се обидува да биде учтив со таткото на својата идна сопруга и нејзиното цело име и презиме е Пени Вајат.
На овој начин, во некое евентуално идно продолжение на серијата Пени Вајат, заедно со Леонард Хофштедер ќе може да им се придружи на останатите членови на групата пријатели Шелдон Купер (Џим Парсонс), Хауард Воловиц (Сајмон Хелберг), Реј Кутрапали (Кунал Најар), Бернадет Ростенковски (Мелиса Рауш) и Ејми Фара Фаулер (Мајим Бјалик).
