Техеран открил голем и таен подземен бункер, дизајниран безбедно да го складира својот ракетен арсенал, и очигледно, да лансира проектили, доколку се појави потреба.
Во видеото е прикажана содржината на бункерот за складирање на ракети на неоткриена локација, како и одржувањето на Каим-1 проектилот. Проектилот е во употреба од 2010-та година и наводно има оперативен дострел од некои 750 километри.
Видеото е објавено минатата недела, но го привлекло вниманието на публиката дури вчера.
Бункерот, полн со ракети и нивните боеви глави, изгледа прилично старо – тоа е долг, огромен тунел, веројатно под некоја планина. Влезот во складишниот простор е заштитен со тешки влезни врати. Има портрети од иранските лидери и натпис “Смрт за Израел” непосредно пред влезот.
Видеото потоа прикажува војници кои земаат ракета и боева глава од складиштето и внимателно ги составуваат во проектил подготвен за борба, а потоа го монтираат на лансирното возило. Последните неколку секунди од видео снимката на кратко се прикажува лансирањето на ракетата, иако е тешко да се каже дали тоа одделение е на истата локација.
Уште во февруари, Иран објавил ретки снимки од својата фабрика за ракети, која се наоѓа во цел подземен град.
Иранската ракетна програма неколку пати била критикувана од Западот, кој ја повикал земјата да престане со тестирањето и ширењето на својот арсенал. Техеран, меѓутоа, тврди дека ракетите се потребни само за одбранбени цели и дека целата програма не може да биде предмет на било какви преговори.
