Во државава веќе подолг период на сила се рестирктивни мерки, како полициски час, ограничување на работата на угостителите, дел затворени објекти, но по подолг период може да забележиме стагнирање на болеста, односно намалување на бројот на новозаразени а со тоа и хоспитализирани случаи.
Она што слободно може да се каже е дека единствен град во државата каде што нема во моментов ниту еден активен случај е Дојран, тоа е градот кој и во минатото немаше поголеми проблеми со новата болест, што значи Дојран е единствениот најбезбеден град во Македонија.
Најмногу активни носители пак има во Скопје (4697), Куманово (795) и Битола (617).
Со одлуката на Владата во вторникот, рестриктивните мерки се олабавуваат до 18 мај. Од денеска на полноќ стапува на сила ограничувањето во движењето и ќе трае до 4 часот изутрина.
Дозволеното време за работа на угостителските објекти за работа со посетители/гости во отворениот дел од угостителскиот објект (само летни тераси, градини, а не во затворениот дел) е до 23:30 часот. Сите настани може да се одржуваат согласно наменските протоколи, со исполнетост до 30% од капацитетот на затворениот простор. Вежбалните, фитнес центрите и теретаните може да отпочнат со вршење на својата дејност во објектите.
Надлежните велат дека новите мерки предложени од Комисијата за заразни болести се врз основа на стабилизацијата на епид*миолошката состојба во земјата.
