Најскапиот фустан на сите времиња на некое доделување на Оскарите го носела актерката Џенифер Лоренс во 2013 година кога ја добила златната статуетка за најдобра женска улога во филмот „Silver Lining Playbook“.
Верувале или не, цената на оваа раскошна, гламурозна креација изнесува неверојатни 4 милиони долари, а ја потпишува француската модна куќа „Dior“.
Џенифер, тогаш имала 23 години, а во тој фустан изгледала истовремено софистицирано и нежно, а сепак драматично, а покрај фустанот носела дискретен накит.
Оваа креација на „Dior“ ја дизајнирал Раф Симонс, а Лоренс истакнала дека ја пробала само еднаш и знаела дека тоа е тоа.
Дека не погрешила во својата процена, докажува и тоа што дури и најстрогите модни критичари сметаат дека ова е еден од најдобрите оскаровски фустани во историјата.
Да ве потсетиме, актерката токму таа година го доживеала и популарниот пад додека се качувала по скалите за да ја земе својата награда.
Второто место на листата најскапи оскаровски фустани го зазема повторно брендот „Dior“ чиј фустан бил инспириран од кинеската традиција, а во 1997 година го носела Никол Кидман.
Вредноста на оваа креација е околу два милиони долари, а пред 25 години нејзиниот избор бил многу ексцентричен и отскокнувал од тогашната оскаровска норма.
Третиот најскап фустан чини 250.000 долари. Фустанот го носела Кејт Бланшет на доделувањето на Оскарите во 2007 година, а станува збор за креација од брендот „Armani“.
