Лони Вилсон била фотографирана во Лос Анџелес каде што живее како бездомничка, а на новите фотографии воочливо е дека ѝ недостасува еден преден заб.
Поранешната манекенка Лони Вилсон која што била во брак со ѕвездата од „Baywatch“ Џереми Џексон, денес е далеку од привлечната русокоса и тешко кој може да ја препознае.
Откако две години се водеше како исчезната, минатиот ноември била пронајдена во Лос Анџелес каде што живее како бездомничка, а нејзините најнови фотографии ја растажија јавноста.
Лони била „уловена“ како се смешка кога некој странец ѝ дава храна, а на фотографиите кои што ги објави „The Sun“ јасно се гледа дека ѝ недостасува еден преден заб.
Нејзините нови фотографии следеле само неколку месеци откако таа била фотографирана како бара храна по контејнерите.
Лони во претходно интервју за „The Sun“ призна дека „заглавила“ во животот и дека завршила на улица откако доживеала нервен слом.
Уште една поранешна девојка на Џереми, Синди Конвас за британскиот таблоид коментирала дека актерот одбил да ѝ помогне на поранешната сопруга откако се развеле во 2014 година.
„Многу е тажно тоа што ѝ се случи на Лони и што никогаш не доби помош која што ѝ беше потребна“, изјавила Синди и додала дека се згрозила од начинот на кој што Џексон се однесувал кон неа.
Инаку, поранешната манекенка со Џереми била во брак од 2012 година до 2014 година, а потоа во 2018 година исчезнала кога нејзините пријатели се обиделе да ја наговорат да оди во клиника за одвикнување за да ги реши своите ментални проблеми и зависноста со користење на дрога.
Нејзиниот брак пропаднал по низа расправии под влијание на алкохол.
Вилсон работела како асистентка во центарот за пластични операции во Лос Анџелес, а потоа во 2016 година доживеала нервен слом, па добила отказ и го изгубила својот дом.
Некое време работела и како фитнес инструктор, а красела и многубројни насловни страници на магазини, но сè тргнало на лошо поради менталните проблеми кои што ги има.
