После масакрот во американскиот град Ел Пасо, америрканските медиуми ги објавија првите фотографии од напаѓачот.
Како што може да се види на фотографиите, најверојатно направени од надзорните камери, напаѓачот влегува во трговскиот центар вооружен најверојатно со полуавтоматска пушка и слушалки на главата.
Станува збор за 21-годишниот Патрик Крусиус кој што бил уапсен од страна на полицијата, а исто така полицијата уапсила уште едно лице чиј што идентитет не се соопштува, а се верува дека е поврзано со вооружениот напад во тексашкиот град.
Пред масакрот, Крусиус наводно објавил манифест на четири страници на озлогласениот форум “8chan”. На документот кој го проучува американското Федерално истражно биро (ФБИ), наводно можело да се забележи дека има влијание и манифестот на Австралиецот Брентон Тарант кој неодамна во две џамии во Нов Зеланд масакрираше над 50 лица.
Инаку, во моментот на вооружениот напад, во трговскиот центар имало повеќе од 1000 луѓе.
Fire medical with at Walmart active shooter event at Cielo Vista Mall. Police still inside. pic.twitter.com/P6zsjwVN0n
— mark lambie (@LambieMark) August 3, 2019
Мигел Родригез кој купувал играчки за својот син кога го слушнал пукањето, веднаш се фрлил на подот: „Тој започна бесно да пука насекаде, одеше од полица до полица“.
Тоа за “Fox News” го потврди и Ванеса Сенз која го опиша напаѓачот: „Чув неколку истрели и видов човек во црна маица и карго панталони како пука пред зградата, а потоа влезе во „Волмарт“. Само ќе го впереше оружјето во некого и пукаше“, изјави Сенз.
