Британското кралско семејство одговори на тврдењата кои Меган Маркл (39) и принцот Хари (36) ги изнесоа во интервјуто кај Опра Винфри.
Имено, кралското семејство издало соопштение по повод нивните изјави во емисијата.
„Целото семејство со тага ги прими информациите за тоа колку последните години биле предизвикувачки за Хари и Меган. Прашањата за кои зборуваа, особено оние кои се однесуваат на расата, се загрижувачки. Иако на некои настани можеби се сеќаваме на различни начини, сигурно се однесуваме многу сериозно кон нив и семејството ќе им се обрати приватно“, пишува во официјалното соопштение потпишано од кралицата Елизабета Втора.
Buckingham Palace have just released a statement: pic.twitter.com/JzlYvef4Wn
— Omid Scobie (@scobie) March 9, 2021
Да потсетиме, Меган Маркл изјави дека за време на бременоста со Арчи помислувала на самоубиство, додека Хари истакнал дека морале да се отселат за да го зачува семејството. Тие навеле дека во палатата бил воден и разговор за тоа колку ќе биде темна неговата кожа кога ќе се роди.
