Хонолулу

Главниот град на Хаваите минатите 10 години забележал огромни скокови – и сега се наоѓа на листата на градови во САД кои се најдобри за живот, поради високите резултати во образованието и културата. Жителите велат дека подобрувањата можат да се припишат на растот на глобалната економија и на фокусот на развивањето на урбанистичкиот начин на живот, кој традиционално не постоел на Хаваите. Овој град привлекол и многу странски државјани, пред се од Азија и многу е гостопримлив за сите луѓе и култури.

Будимпешта

Главниот и најголем град во Унгарија направил подобрувања во инфраструктурата и развојот на преградието во последните 10 години, а тоа жителите го забележале.

“Живеам во Будимпешта веќе осум години, а градот оствари голем напредок. Постојат многу велосипедски патеки и подобри автобуси и трамваи кои возат 24 часа дневно, а многу делови од градот се обновени”, рекла Викторија Скиба, основачка на списанието “The Spoiled Queen” од Будимпешта.

Во градот има се повеќе странски компании кои плаќаат одлично.

Кувајт Сити

Иако Кувајт Сити е некаде на средината на листата градови кои се најдобри за живот, градот и натаму напредува бидејќи станува се поотворен кон другите култури. Властите вложиле многу пари во системот на патишта. Кувајт Сити долго бил важно пристаниште за меѓународна трговија, а сега тоа глобално влијание конечно се огледува во секојдневниот живот.

Окленд

Најголемиот град во Нов Зеланд последните десетина години толку напредувал што константно се наоѓа при самиот врв на листата на градови најдобри за живот. Влијанието на автохтоната пацифичка култура, азиските и западните култури – па дури и јужноамерикаските култури во скоро време – довеле до појавување на се поголем број различни ресторани и повеќе културни фестивали од било кога. На подобриот животен стандард секако влијаело и големото вложување во здравството и образованието.

Тајпеј

Овој источноазиски центар продолжува да се движи горе на листата на градови кои се најпрепорачливи за живот, посебно затоа што властите продолжуваат да вложуваат во инфраструктурата и здравствената заштита. Метрото допира до речиси секој дел на градот, вклучувајќи го и аеродромот. Жителите исто така имаат одлични работи да кажат за здравствената заштита и образованието кои се достапни тука – дури и за доселениците.