Овој Јапонец има решение за крадењето велосипеди: Идеја која станала хит во светот — потребна е само една налепница

610

Во Јапонија на секои 15 минути се краде по еден велосипед. Од 35.395 украдени велосипеди во 2018-та година, 42 отсто биле правилно заклучени, што на ова момче го поттикнало да ја добие оригиналната идеја.

Сè што му било потребно на момчето за да го реши проблемот со крадењето на велосипедите, била само една налепница.

Мотоки Реога од Јапонија, смислил оригинален начин – нему му била потребна само една налепница на која што изгледа како да има измет од птица, која што ја става на седиштето од самиот велосипед, а тоа ги одбивало крадците да го украдат велосипедот.

Мотоки налепницата ја дизајнирал на Технолошкиот институт Чиба, а за својата иновативност добил награда.

За да види дали неговата идеја му успеала спровел социјален експеримент кога на улица оставил илјадници велосипеди со налепница од птичји измет, а не ги заклучил правилно.

Во текот на петте денови, колку што траел експериментот, не бил украден ниту еден велосипед.

Инаку, налепниците исто така се прикладни и за мотори.

ПОВРЗАНИ НАПИСИПОВЕЌЕ ОД АВТОРОТ