Освен што се подготвува брзо, тој е и здрав и не бара никаква посебна умешност во кујната.

Во текот на топлите, летни денови тиквичките се идеални за ручек поради тоа што се евтини, лесно се прават и се здрави.

А, дали знаете дека од нив може да направите шпагети кои се варат за само 3 минути, а толку се вкусни што ќе бидете воодушевени.

Шпагетите од тиквички можете да ги направите со помош на кујнско сечило на кое има посебен дел за правење шпагети.

За овој ручек ќе ви бидат потребни:

– Едно пакетче сланина;
– 1 тиквичка;
– 2 децилитри павлака за готвење;
– Малку масло за јадење;
– Зачини по желба.

Подготовка:

Тиквичките излупете ги и исечкајте ги на тенки ленти (како шпагети) или тоа направете го со сечило за шпагети. Во тенџере ставете вода и посолете ја, па оставете да зоврие.

По неколку минути во водата ставете ги исечканите тиквички, па варете околу 3 минути.

Потоа процедете ги и малку посолете.

Сланината исечкајте ја на парчиња, па испржете ја на малку масло за јадење, а потоа додадете ја павлаката за готвење.

Уште малку варете ги состојките на тивок оган, па тргнете го тенџерето.

Тиквичките ставете ги во чинија, а павлаката и сланината одгоре. По желба, одгоре може да додадете пармезан, кашкавал, павлака, но и пржено јајце кое совршено би се вклопило со оваа комбинација.

Ручекот е готов за околу 10 до 15 минути, а вкусот ќе ве освои.

На здравје!