Фудбалерот од минатото кој ќе остане запишан во историјата на Црвена Звезда со златни букви, е импресиониран од новата генерација на играчи кои ги има неговиот поранешен клуб.
Бари ќе остане симбол на Панчев и Црвена Звезда, местото каде ја освоија шампионската титула во ЛШ, која беше круна на успехот во поранешната држава Југославија.
„Златната копачка“ беше интервјуиран од соседните медиуми и даде прилично интересни одговори:
„Во Македонија се славеше на големо за Црвена Звезда, кај мене во локалот имаше десетина момци кои навиваа за време на натпреварот. Најинтересни беа тие 77 секунди, кои долго ќе се паметат, кога на Салцбург им дадовме два гола, тоа е голема работа“.
„Се разбира имавме и ние малку среќа, но верувајте тоа беше заслужено. Се вративме на вистинскиот пат, преку напорна работа и многу труд кој беше вложуван“.
На прашање од српските медиуми, дали да го очекуваат на ЛШ натпреварите во една од групите на смртта, Панчев одговори:
„Се разбира, ДОАЃАМ!“, порача легендата на македонскиот фудбал и икона на „Делије“.
