Најмалку 35 лица настрадаа во несреќата која ја погоди Италија, поточно Џенова, каде што се сруши дел од мост на автопатот А10. Во Џенова живее и можеби најдобриот македонски фудбалер во историјата Горан Пандев, кој настапува за истоимениот клуб од овој град.
Пандев е шокиран од сиот настан и со трогателна порака го опиша ваквата голема трагедија, пишува СпортМедиа.
-Секој ден поминував на тој мост во Џенова за на тренинг. Откажан ни беше утринскиот тренинг, ако имавме ќе поминевме на мостот во фаталниот период, се зборовите на Пандев за „Спортмедиа”.
Во овој ден на голема тага, Џенова е повеќе од кога било во неговото срце…
Соиграчот на Пандев, Доменик Кришито , кој е и италијански репрезентативец бил многу потресен, тој бил на 10. минути пред да се урне мостот. Тој додал дека не е можно да се урне туку така и потребна е безбедност за сите.
Сите познати италијански фудбалски имиња се исто така шокирани и изразуваат сочувство кон фамилиите на настраданите.
Инаку и македонскиот оперски пејач Благој Нацоски кој живее во Џенова истакна дека тој требало да помине низ мостот кој се срушил.
Ви благодарам на сите за пораките… јас сум добро, дома сум шокиран… имам пројдено на тој мост илјадници пати а и денеска требаше да поминам на истиот, напиша Благој на својот Фејсбук профил.
Како причина за урнивање на мостот се наведува застарената инфраструктура.
