Парот кој му го дал името Твифија (Twifia) на детето открил што стои зад нивниот необичен избор. Имено, швајцарскиот интернет оператор Twifi им понудил 18 години бесплатно користење на интернет. Единствениот услов е родителите да го нарекуваат своето дете Twifius или Twifia.
„Доставете ни фотографија од изводот на родените на детето. По потврдата, Twifi ќе ви даде 18 години бесплатен интернет”, напишаа тие на веб-страницата.
Анонимен пар на возраст од околу триесет години го стори тоа и ја именуваше својата ќерка Твифија. Тие планираат да ги внесат парите што ќе ги заштедат на нејзината сметка. Се надеваат дека ќе и се најде кога таа ќе реши да го положи возачкиот тест.
„Колку повеќе размислувам за тоа, толку е пошармантно нејзиното име“, рече таткото за Кидспот.
Мајката на девојчето првично се двоумела, па ја нарекле Твифија во нејзиниот извод како средно име. Понудата е сè уште отворена за другите нови родители.
